ulfat ka jab kisi ne liya nam ro paDe

By sudarshan-fakirNovember 21, 2020
ulfat ka jab kisi ne liya nam ro pade
apni wafa ka soch ke anjam ro pade
har sham ye sawal mohabbat se kya mila
har sham ye jawab ki har sham ro pade


rah-e-wafa mein hum ko khushi ki talash thi
do gam hi chale the ki har gam ro pade
rona nasib mein hai to auron se kya gila
apne hi sar liya koi ilzam ro pade


56609 viewsghazalEnglish