umr guzri hai to phir hosh ko rab yaad aaya
mar gaya shauq to phir is ka sabab yaad aaya

din ka aaghaz hua aankh mein aansu aae
awwal-e-shab ka ziyan aakhir-e-shab yaad aaya

mujh ko to yaad na tha us se juda ho jaana
wo to batlaya mujhe us ne to tab yaad aaya

ab ke shahron mein bhi jangal ki hawa aisi chali
maen bistar mein chhupin bhediya jab yaad aaya

meri tarah se wo yak-rangi se tang aaya to
din ko phir raat mein dhal jaane ka dhab yaad aaya