use khabar hi nahin thi wo kis jahan mein tha
khuli faza thi parinda khuli udan mein tha

use main dekh raha hun tumhaare sine mein
wo ek tir jo ab tak meri kaman mein tha

charagh thakne lage the hawa se ladte hue
magar wo hausla baqi jo baadban mein tha

use pata hi nahin tha ye ratjaga kyon hai
mujhe khabar hi nahin thi main imtihan mein tha

kisi ki baat se mujh ko yaqin mila 'arib'
wahi yaqin jo ab tak mere guman mein tha