اس کو اک بار روشنی میں دیکھ

اس کو اک بار روشنی میں دیکھ
اور تا عمر تیرگی میں دیکھ
کیا نہیں ہوتا مفلسی میں دیکھ
میر و غالب کی شاعری میں دیکھ


دل ربا ہے یہ کوشش ناکام
اس کے چہرے کو پھر کسی میں دیکھ
اس کا ہم شکل کوئی ہے ہی نہیں
اس کا انداز بس اسی میں دیکھ


کوئی کونا امیر ہو شاید
غور سے صحن مفلسی میں دیکھ
تیرے کوچے کی خاک کا سکہ
چل رہا ہے مری گلی میں دیکھ


اس کی محفل سجی ہوئی ہے ابھی
وقت ٹھہری ہوئی گھڑی میں دیکھ