uThti kabhi kabhi hai koi Tis hae dil

uthti kabhi kabhi hai koi tis hae dil
mal-o-mata' kuchh bhi nahin the siwae dil
phirti hain mere samne jab suraten kai
phir kis ko yaad rakkhe kise bhul jae dil


waqt-e-wida' yar tahammul se kaam le
ab khud ko kis tarah se yun patthar banae dil
ho kuchh bhi muztarib ye magar dil to hai nahin
barq-e-tapan hai sine mein shayad bajae-dil


hoti hain kaisi kaisi yahan lal-kariyan
apna asar dikhati hai jab karbala-e-dil
tabdil kar diya hai har ek taur 'ishq ne
mahfil se ji churae to sahra mein gae dil