utra hai aasman se farishta zamin par

utra hai aasman se farishta zamin par
bikhra hai us ke nur ka jalwa zamin par
khate phirenge aap bhi dhoka zamin par
dekhen na aasman ka sapna zamin par


milta jo sab ko ek sa mauqa zamin par
sota na koi aadmi bhuka zamin par
dekho jahan wahin pe hai mela zamin par
phir bhi har ek shakhs hai tanha zamin par


aabaad har tarah se rahen hai du'a yahi
jin se juda hai pyar ka rishta zamin par
ab to rihai de de gham-e-zindagi ki main
ukta chuka hun ban ke tamasha zamin par


mehman chand roz ke sab log hain yahan
qaem nahin hai koi bhi banda zamin par