waqt ki taq pe donon ki sajai hui raat kis pe kharchi hai bata meri kamai hui raat aur phir yun hua aankhon ne lahu barsaya yaad aai koi barish mein bitai hui raat hijr ke ban mein hiran apna bhi mera hi gaya usrat-e-ram se bahar-haal rihai hui raat tu to ek lafz-e-mohabbat ko liye baitha hai to kahan jati mere jism pe aai hui raat dil ko chain aaya to uthne laga taron ka ghubar subh le nikli mere hath mein aai hui raat aur phir nind hi aai na koi khwab aaya main ne chahi thi mere khwab mein aai hui raat