وہ دن بھی کیسا ستم مجھ پہ ڈھا کے جائے گا

وہ دن بھی کیسا ستم مجھ پہ ڈھا کے جائے گا
جب اس کی شکل نہیں نام دھیان آئے گا
اداس شام کی تنہائیوں میں میرا خیال
شفق کا لال دوپٹہ تجھے اوڑھائے گا


ابھی تو خیر خیالوں میں آنا جانا ہے
کچھ ایک دن میں یہ رشتہ بھی ٹوٹ جائے گا
بچھڑتے وقت نمی بھی نہ آئی آنکھوں میں
ہمیں گماں تھا یہ منظر بہت رلائے گا


کسے خبر تھی مرا ہی گڑھا ہوا کردار
مرے ہی ہاتھ میں انگلی نہیں تھمائے گا