wo mujhko main kisi ko manane nikal gaya

wo mujh ko main kisi ko manane nikal gaya
ek waqt tha jo waqt se pahle nikal gaya
mah-o-nujum kam hue asbab mein mere
phir dar ka aasman bhi dil se nikal gaya


nazuk bahut tha us ki gali ka mu'amla
apni udasiyon ko sanbhaale nikal gaya
ek bar dil mein jagi nai aag ki hawas
ek rasta nadi ke kinare nikal gaya


kal mujh ko chhu gaya koi jhonka bahaar ka
wo bhi zamana aankh jhapakte nikal gaya
taufiq-e-she'r mujh ko 'ata bhi hui to kab
jab 'ariz-e-‘aruz se aage nikal gaya