yaad wo umr bhar rahega kya

By kashif-husain-ghairNovember 3, 2020
yaad wo umr bhar rahega kya
dil isi kaam par rahega kya
kya bikhar ke rahenge khwab mere
aaina tut kar rahega kya


kya hua ab idhar na aaegi
habs ye umr-bhar rahega kya
wo jo ek shakhs mere andar hai
mere andar hi mar rahega kya


main hawa ki tarah hun aawara
tu mera ham-safar rahega kya
nind udti rahegi aankhon se
jashn ye raat-bhar rahega kya


86773 viewsghazalEnglish