یہ اور بات کی صحبت میں ہیں امینوں کی

یہ اور بات کی صحبت میں ہیں امینوں کی
مگر وہ آبرو رکھتے نہیں حسینوں کی
ہمارے سینوں میں محفوظ ہے خدا کا کلام
کوئی لگائے نہ قیمت ہمارے سینوں کی


نکل پڑے ہیں جو اب نا خدا کو چھوڑے ہوئے
خبر تو لے کوئی ان ڈوبتے سفینوں کی
جہاں پہ صرف محبت پرست رہتے ہیں
وہاں پہ کوئی بھی قیمت نہیں زمینوں کی


ذرا سی بات بگڑتی ہے روٹھ جاتی ہیں
خراب لگتی ہے عادت یہ مہ جبینوں کی
خدا کے خوف سے ہٹ کر کہیں جو اور بہیں
نہیں ہے قدر ان اشکوں کے آبگینوں کی


ہمارا نام بھی آئے گا اس میں اے منہاجؔ
کبھی بنے گی جو فہرست نام چینوں کی