ye fitrat hai chhupi rahti hai pahchani nahin jati
By ustad-vajahat-husain-khanJanuary 5, 2024
ye fitrat hai chhupi rahti hai pahchani nahin jati
jo ban jati hai 'adat wo ba-asani nahin jati
hawadis achchhi-khasi shakhsiyat ko tod dete hain
badal jati hai shakl aisi ki pahchani nahin jati
ana ko nam de dete hain jo khud-e'timadi ka
wo mit jate hain lekin un ki man-mani nahin jati
jawan naslon mein jab kam-maegi ghar karne lagti hai
zamane tak phir un ki ye pashemani nahin jati
guzar jate hain apni jaan se jo qaum ki khatir
akarat aise jaan-bazon ki qurbani nahin jati
sahaara ghair ka lene ki koshish mat karo yaro
jo khugar is ka ho jae tan-asani nahin jati
'wajahat' is qadar khae hain dhoke hum ne apnon se
bhulana lakh chahen phir bhi hairani nahin jati
jo ban jati hai 'adat wo ba-asani nahin jati
hawadis achchhi-khasi shakhsiyat ko tod dete hain
badal jati hai shakl aisi ki pahchani nahin jati
ana ko nam de dete hain jo khud-e'timadi ka
wo mit jate hain lekin un ki man-mani nahin jati
jawan naslon mein jab kam-maegi ghar karne lagti hai
zamane tak phir un ki ye pashemani nahin jati
guzar jate hain apni jaan se jo qaum ki khatir
akarat aise jaan-bazon ki qurbani nahin jati
sahaara ghair ka lene ki koshish mat karo yaro
jo khugar is ka ho jae tan-asani nahin jati
'wajahat' is qadar khae hain dhoke hum ne apnon se
bhulana lakh chahen phir bhi hairani nahin jati
38164 viewsghazal • English