ye jadu-e-jamal kisi dida-war se puchh
aaina kya bataega meri nazar se puchh

izhaar-e-dard meri zaban se na ho saka
ai shokh dil ka haal meri chashm-e-tar se puchh

ahd-e-bahaar mein bhi gulabon ke kyun haram
mismar ho rahe hain nasim-e-sahar se puchh

wahshat mein bhi kiya hua kya kya nahin hua
kuchh apni rahguzar se kuchh sang-e-dar se puchh

sham-e-visal dost kahan kho gai 'shamim'
virani-e-hayat ki is dopahar se puchh