ye jafa-e-gham ka chaara wo najat-e-dil ka aalam
tera husn dast-e-isa teri yaad ru-e-maryam

dil o jaan fida-e-rahe kabhi aa ke dekh hamdam
sar-e-ku-e-dil-figaran shab-e-arzu ka aalam

teri did se siwa hai tere shauq mein bahaaran
wo chaman jahan giri hai tere gesuon ki shabnam

ye ajab qayamaten hain tere rahguzar mein guzaran
na hua ki mar miten hum na hua ki ji uthen hum

lo suni gai hamari yun phire hain din ki phir se
wahi gosha-e-qafas hai wahi fasl-e-gul ka matam