یہ مانا ہم نے یہ دنیا انوکھی ہے نرالی ہے

یہ مانا ہم نے یہ دنیا انوکھی ہے نرالی ہے
چلے گی چال کیا ہم سے ہماری دیکھی بھالی ہے
عزیزو تم کو میری چشم تر سے کتنا شکوہ تھا
چلو اب خوش رہو اپنا یہ پیمانہ بھی خالی ہے


ہر اک غم کا مداوا ایک بے معنی تبسم ہے
مرے دل کا بھروسہ کیا بہت ہی لاابالی ہے
کہیں محفل جمائیں ہم بھی اب پینے پلانے کی
یہ کیا کم ہے ہمارے پاس جو جام سفالی ہے


جو کچھ احوال ہے اپنا بیاں کرنے سے کیا حاصل
زبان خامشی صاحب دلوں کا طرز عالی ہے