ye safed safhon ke hans hain inhen raushnai pe chhoD lun

ye safed safhon ke hans hain inhen raushnai pe chhod lun
main khayal-o-fikr ki jhil se koi rabt-e-bahami jod lun
ho siyah shab tera izn gar to nashile honton ki nok se
main gulabi chand ki marmarin se pahadiyon ko jhinjhod lun


ye inayaton ke babul ka hara kanta meri talab nahin
mere aable bade narm hain inhen sukhi ghas pe phod lun
meri tishnagi ko nasib ho teri qurbaton ki sharab gar
main badan ke khali gilas mein tera rang-rup nichod lun


zara baghban ki nazar hate to main ungliyon se visal ki
tere tan ki sanwli bel se kai phul bose ke tod lun