yun bhi hua kamal mere pas aa gai
hairat hai zindagi ko meri shakl bha gai

mujh se juda kiya hai mujhe us ke khwab ne
aankhon mein ek hasin si taswir chha gai

donon taraf ki aag ne kya kya nahin kiya
donon ki nind chhin li aur chain kha gai

main bhi tamam raat jala hun usi ke sath
us ki bhi ek ek ada zulm dha gai

honton pe raqs karti meri intihai pyas
guzri hadon se aise ki manzil ko pa gai