زخم محبت پاگلپن بیماری طلب کچھ ہے

زخم محبت پاگلپن بیماری طلب کچھ ہے
غزل کو ہے درکار یہ سارا کچھ صاحب کچھ ہے
چپ کیوں نہیں بیٹھے تھے جب کہنے کو کچھ نہیں تھا
اور اب کیوں چپ بیٹھے ہو کہنے کو جب کچھ ہے


عشق کے سر دل سے ایسے ہی کہاں نکلتے ہیں
ساز استاد نے چھیڑا تو سنگیت سا اب کچھ ہے
اک دن دکھ جائے گا شاید سب کچھ مایا ہے
اس دن تک تو لیکن یہ مایا ہی سب کچھ ہے


ورنہ کچھ بھی کہہ کے بلا لیتا تھا جو ہم کو
آج اننتؔ کہا اس نے اس کا مطلب کچھ ہے