zalil maslahaton ka asir niklega
khabar nahin thi ki tu be-zamir niklega

hamare shahr ke logon ko ye ummid na thi
amir-e-shahr bhi dil ka faqir niklega

agar naqab hati rahzan ke chehre se
to kya khabar thi hamara amir niklega

main jaanta tha tere lab se bad-gumani mein
jo lafz niklega ban kar wo tir niklega

suna hai kucha-e-shisha-garan se aaj 'anwar'
wo sang-zadon ka jamm-e-ghafir niklega