zamin ki wusaton se aasman tak
kahani apni ja pahunchi kahan tak

lagi thi aag jo sehn-e-chaman mein
wo aa pahunchi hamare aashiyan tak

bata de hum ko itna rahbar ab
bhatakna hai hamein aakhir kahan tak

kisi ke husn ka wo roab tauba
shikayat rah gai aa kar zaban tak

chali thi baat meri dastan se
wo aa pahunchi tumhaari dastan tak

jo guzri hai hamari zindagi par
na jae wo hamare karwan tak

hadis-e-zindagi 'jaanbaz' chhedo
hadis-e-shoala-o-shabnam kahan tak