zindagi aisi saza hai ki saza bhi to nahin

zindagi aisi saza hai ki saza bhi to nahin
dil dhadakta hai dhadakne ki sada bhi to nahin
kya khadd-o-khal the kuchh yaad raha bhi to nahin
aisa bachhda koi muddat se mila bhi to nahin


aahaten kya tere qadmon ki sunai dengi
ab ki pahlu mein dil naghma-sara bhi to nahin
rah-e-ishq bhatak hi na sakin
itne tabinda nuqush-e-kaf-e-pa bhi to nahin


yun teri yaad mein ek umr guzari ki mujhe
apni tanhai ka ehsas hua bhi to nahin
kis ko rudad-e-gham-e-ishq sunai jae
dasht mein aur koi aabla-pa bhi to nahin


ek muddat se koi zakhm-e-dil-o-jaan 'nashtar'
be-niyaz-e-karam mauj-e-saba bhi to nahin