زندگی ہم یوں بتاتے جائیں گے

زندگی ہم یوں بتاتے جائیں گے
سب کو ہی اپنا بناتے جائیں گے
حال دل اپنا نہ کہنا اب کبھی
لوگ سن کر مسکراتے جائیں گے


بے وفا ہے وہ تو ہم کو غم نہیں
ہم وفا کے گیت گاتے جائیں گے
تم ہمارے شعر پڑھ کر دیکھ لو
یہ تمہارا دل لبھاتے جائیں گے


چل رہا ہے یوں ہی دنیا کا نظام
لوگ آتے اور جاتے جائیں گے
تو مجھے چاہے نہ چاہے اے صنم
جشن تیرا ہم مناتے جائیں گے


تو تو چل منہاجؔ راہ عشق پر
لوگ تیرے ساتھ آتے جائیں گے