zist milti hai umr-e-fani se

By nushur-wahidiNovember 12, 2020
zist milti hai umr-e-fani se
mang kuchh apni zindagani se
ek nazar ka fasana hai duniya
sau kahani hai ek kahani se


baat kah di to baat kuchh na rahi
gham hua gham ki tarjumani se
subh hoti nahin mohabbat ki
raat katti nahin jawani se


phul chunte hain ahl-e-bazm 'nushur'
meri har taza gul-fishani se
22045 viewsghazalEnglish