nat-e-rasul

hum hain tumhaare tum ho hamare
mohammad pyare
tum ho chand aur hum hain tare
mohammad pyare


sab se achchha din tumhaara
hukm-e-khuda aain tumhaara
tum ne hamare zehn sanware
mohammad pyare


pyar sikhaya adl sikhaya
rang-o-nasl ka farq mitaya
dur kiye sare andhiyare
mohammad pyare


bandon ko maula se milaya
qatron ko dariya se milaya
mode tum ne waqt ke dhaare
mohammad pyare


gumrahon ko rah dikhai
qatil bhi thahre shaidai
tum jite aur dushman haare
mohammad pyare


sunnat aur quran pe chal ke
kahlaen shahkar amal ke
mangen dua hum mil ke sare
mohammad pyare