chhuttiyan hain main hun mitha aam hai
aur ab mera bhala kya kaam hai

mango khana aur pina milkshake
shaghl ab apna ye subh-o-sham hai

garmiyan hain garmiyan hain garmiyan
aam hai aur aam hai aur aam hai

nashta khana dinner ya lunch ho
aam ke mausam mein nazr-e-am hai

main nahin chhodunga ab langde ki tang
chus lunga chausa aisa aam hai

aam kahta hai jise sara jahan
ghaaliban jannat ke phal ka nam hai

is ki quwwat ka bhala kya puchhna
fauq sadha pista-o-baadam hai

shauq jis ko aam khane ka nahin
zauq mein wo ham-sar-e-inam hai

sab phalon ka jab taqabul ho 'asar'
aam hi bas qabil-e-inam hai