ai mere chaaragaro isa-nafas aasmanon se pare anfus-o-afaq ki sarhad se udhar meri parwaz meri rahguzar jati thi khwahish-e-duniya-o-tan-asani noch dalegi mere par mujhe ma'lum na tha ab rag-o-pai mein lahu hai na koi aag na sozish baqi biphri maujon ne sukun odh liya hai kab ka sahil-e-jaan pe kisi nam ka nishan tak bhi nahin aag ka zikr hi kya koi dhuan tak bhi nahin sarsar-e-waqt ne andaz badal dale hain khak ab khak ki khurak hui jati hai