akele hone ka KHauf

By zubair-rizviNovember 30, 2020
hamein ye ranj tha
jab bhi mile
chaaron taraf chehre shanasa the
hujum-e-rah-guzar bahon mein bahen dal kar chalne nahin deta


kahin jaen
taaqub karte sae gher lete hain
hamein ye ranj tha
chaaron taraf ki raushni bujh kyun nahin jati


andhera kyun nahin hota
akele kyun nahin hote
hamein ye ranj tha
lekin ye kaisi duriyan


tarik sannate ki is saat mein
apne darmiyan phir se chali aain
28771 viewsnazmEnglish