ana ka kaun sa chehra tha wo

ana ka kaun sa chehra tha wo
main ye samajh paya nahin hun aaj tak
khabar ye aai thi
tabi'at raat se behtar hai kuchh is waqt un ki


mujhe ye baat sun kar to khushi se jhum uthna chahiye tha
magar main chup khada tha
ye shayad wo nahin tha jo main sunna chahta tha
to kya is khas pal mein


main un ki maut ka khwahan tha
aur wo bhi is zara si baat par
ki main ne raat yunhi doston ke bich mein ye kah diya tha
mujhe aasar kuchh achchhe nahin lagte


sawere tak bhi ye zinda agar rah jaen to jaano
kaha pura na hone ki meri
be'izzati
kisi ki jaan se badh kar bhi ho sakti hai


mujh ko ye nahin ma'lum tha