mere tan par bhuk ugi thi
meri aankhen nangi thi

aur mere aangan mein har-ja
ghurbat bhuk aur mahrumi ke

phul uge the
mere kante hathon ne

un phulon ko todna chaha
aur ham-sae ke ghar se

jis ke ghar mein
sone chandi aur paison ki

diwaren thin
apne ne kuchh khushiyan chun lin

chor chor chor chor
kuchh aawazen

phir zanjiren
phir mere hi ghar ki manind

badbu-dar andhera kamra
jis ke bahar

mujh jaise be-chehra log
mere liye pahre pe khade the