hamari sab lakiren
daeron mein ghumti hain

hamare sare raste
ek hi mehwar ki jaanib

laut aate hain
subh-dam asp-e-taza ki tarah

ghar se nikal kar
daeron mein daudna

aur din dhale
aakhir usi markaz pe

wapas laut aana hi
hamari zindagi hai

hamein bas ek jaanib
dekhne ka hukm sadir hai

hamari soch binai muqaddar
sab inhi raston ke qaidi hain

hamein malum hai
in daeron ki par bhi