دروازہ

دیکھو تو رشتہ بن جاتا ہے
کمرے سے
دیواروں سے
چھت سے


کھڑکیوں سے
میرا بھی تھا ان سب سے ہی
لیکن
جانے کیوں آج مجھے اس دروازے کی یاد میں بے چینی سی ہوتی ہے


جس نے جاتے ہوئے سب سے آخر میں
اور آتے ہوئے سب سے پہلے
میرے قدموں کو سنا ہے
جس سے میرا اندر باہر ہوتا رہنا چلتا رہتا تھا


اس دن تک
جس دن تک
وہ گھر گھر تھا
اس دروازے نے میرے بچپن کو جاتے ہوئے


اور جوانی کو آتے ہوئے دیکھا ہے
اس شہر سے تو ناطے کے لگ بھگ سارے ڈور ہی ٹوٹ چکے ہیں
آج وہ گھر بھی بک گیا ہے