kisi jhagde se bas itne zara se fasle par
agar ab bhi hamari dosti qaem hai

to aao
mubarakbaad den ek dusre ko

magar ek baat samjha dun main tum ko
agar hum mein kabhi jhagda hua bhi

to main us dushmani ka lutf to lene nahin dunga tumhein hargiz
wo jis ki chah har jhagde ki zimmedar hoti hai

meri nazron mein jhagde ka tasawwur kuchh alag hai
wo hai bas dosti ka khatm ho jaana

main rishte ko kabhi bhi dushmani ki shakl mein
jari nahin rakhta