tu ne dekhi hain faqat meri ye hansti aankhen aur hansti hui aankhon mein shagufta baaten tu kabhi aankh mein rakkhi meri barsat bhi dekh mere ashkon mein chhupi hijr ki ek raat bhi dekh tu ne chaha hai ki main khwab banungi tera tu ne dekha hai faqat phul sa paikar mera tu ne dekha hi nahin phul bikharta bhi hai tujh ko malum nahin bagh ujadta bhi hai apne wadon ka zara aap hi tum pas karo mere ghamnak se lamhon ka bhi ehsas karo