'gandhi' ho ya 'ghaalib' ho
khatm hua donon ka jashn

aao unhen ab kar den dafn
khatm karo tahzib ki baat

band karo culture ka shor
saty ahinsa sab bakwas

hum bhi qatil tum bhi chor
khatm hua donon ka jashn

aao unhen ab kar den dafn
wo basti wo ganw hi kya

jis mein harijan ho aazad
wo qasba wo shahr hi kya

jo na bane ahamadabaad
khatm hua donon ka jashn

aao unhen ab kar den dafn
'gandhi' ho ya 'ghaalib' ho

donon ka kya kaam yahan
ab ke baras bhi qatl hui

ek ki shikasta ek ki zaban
khatm hua donon ka jashn

aao unhen ab kar den dafn