dekhta hai kaun sahra ke bagulon ki taraf
jo nazar uthti hai bas jati hai phulon ki taraf

aish mein rah kar hamein kuchh bhi khayal-e-gham nahin
muskurahat lab pe hai aankhen magar pur-nam nahin

dekhta us ke karishme kis ko itna hosh tha
patti patti dam-ba-khud thi gul chaman khamosh tha

mahw-e-nazzara thin aankhen dil mein tari be-khudi
mujh ko diwana kiye deti thi phulon ki hansi

dekhti thi main bhi ye husn-e-chaman rang-e-bahaar
na-gahan aai sada-e-dil ki ghafil hoshiyar

khol aankhen dekh apne muslimon ka haal-e-zar
un ko to un kafir yahudon ne banaya hai shikar

in mazalim par bhi tu sarshaar hai madhosh hai
masjidon mein jaanwar bandhte hain tu khamosh hain

nam ko baqi nahin islam ka izz-o-waqar
teri aankhon se magar jata nahin ab tak khumar

hum hain haalanki bahut ye ho chuka hai inqalab
sun rahe hain dastan-e-gham magar kya den jawab

ho ke paband-e-hukumat kis qadar majbur hain
yani koson hum arab ki manzilon se dur hain

huk uthti hai ye sun mere dil-e-nakaam mein
paltanen kuffar ki hon khana-e-islam mein