main be-qimat tum be-qimat phir ye apni ishq-kahani kaun sunega sab ke apne apne qisse sab ki apni apni baaten sab ki apni apni sohbat sab ki apni apni raaten sab ke gham bas zati gham hain sab ki khushiyan zati khushiyan hum kahte hain wo be-qimat wo kahte hain hum be-qimat aise mein kis kis ki kahani kis ki zabani kaun sunega meri tumhaari ishq-kahani kaun sunega sab be-qimat