na hum hain ahl-e-siyasat na hum fasadi hain husain wale hain hum log ittihadi hain hasab nasab bhi hamara ali se milta hai janab-e-fatima-zahra hamari dadi hain murad milti hai bab-ul-murad se yun bhi ali ke ladle abbas khud muradi hain bas ek khutba-e-zainab ali ke lahje mein yazidiyat ki jaden dur tak hila di hain janab-e-hazrat-e-abbas ki qasam 'nashtar' khuda ke fazl se hum zabt ke bhi aadi hain