jiwan mein hariyali

hum ped lagaenge mahaul banaenge
ped laga kar jiwan mein khush-haali laenge
hum ped lagaenge mahaul banaenge
is badhte pardushan ko hum dur bhagaenge


hum ped lagaenge mahaul banaenge
kitna sundar pedon se mausam ho jata hai
garmi mein temperature bhi kuchh kam ho jata hai
ped laga kar hum sab ko garmi se bachaenge


hum ped lagaenge mahaul banaenge
carbon dioxide paudon ka bhojan hai
jo hai maut hamari wo paudon ka jiwan hai
oxygen bhi hum sab in paudon se paenge


hum ped lagaenge mahaul banaenge
ped hamari dharti ko katne se bachate hain
ped hi registanon ko badhne se bachate hain
ped laga kar dharti ko gahne pahnaenge


hum ped lagaenge mahaul banaenge
ped hamari is dharti par barish late hain
ped jahan hote hain amrit-jal barsate hain
garmi ke mausam mein hum barish mein nahaenge


hum ped lagaenge mahaul banaenge
phul jadi buti aur phal paudon se milte hain
gehun dalen aur chawal paudon se milte hain
hum har chiz zarurat ki paudon se paenge


hum ped lagaenge mahaul banaenge
tel dawaen aur masalhe in se milte hain
rang birange phul chaman mein in par khilte hain
hum apni dharti ko phulon se mahkaenge


hum ped lagaenge mahaul banaenge
jab dharti par har jaanib hariyali chhaegi
phir ye dharti swarg se bhi sundar ho jaegi
mor papiha koyal bulbul mil kar gaenge


hum ped lagaenge mahaul banaenge