KHun ki KHushbu

khun ki khushbu udi to
khud-kushi chikhi ki main hi zindagi hun
aao ab is wasl ki saat ko chumo
mar gai thi jite-ji main


aur tum jine ki khatir
lamha lamha mar rahe the
khud masiha bhi the aur bimar bhi the
(aur khud apni jarahat ke liye tayyar bhi the)


aao ab ji bhar ke sungho
khun ki khushbu ki main hi zindagi hun
mere honton se piyo aao
mujhe bahon mein le lo


wasl ki saat yahi hai
tum faqat jine ki koshish kar rahe the
jaan-kani ke la-shuuri khwab se le kar wiladat
ke shuuri lamha-e-be-dar tak!