خوشبو

کسی احساس کو بیدار کرتی دل نشیں خوشبو
کہیں بارش کی بوندوں سے نکلتی ریت کی خوشبو
معطر کرتی یادوں کو کسی
مانوس سے اک عطر کی خوشبو


کبھی دلہن کے ہاتھوں سے اٹھے رنگ حنا بن کر بکھرتے خواب
کی خوشبو
کہیں روشن مزاروں پر اگربتی سے پھولوں سے دعاؤں کے جزیرے سے جڑی اک ذات کی خوشبو
بہت نوحہ کناں گریہ کناں ہر دم مہکتی سی کسی کی قبر پر پھیلے ہوئے تازہ گلابوں کی بہت ویران سی خوشبو


جڑی اک یاد سے خوشبو
بہت نایاب ہوتی ہے
معطر روح کو کر دے
پرانے زخم سب بھر دے حسیں لمحات کی خوشبو


تو پھر یہ بھی یقینی ہے
عطا احساس کو یہ لمس کا
بھی معجزہ دے کر بہت مسرور
رکھتی ہے