ہچکی

تمہیں یہ غم ہے کہ اب چٹھیاں نہیں آتی
ہماری سوچو ہمیں ہچکیاں نہیں آتی
چراغ شرما
کبھی بھی کیا سوچا ہے یہ تم نے


کہ جو ہے لہروں کا یوں مچلنا
ندی کا ساگر کی سمت چلنا
درخت کا بیج سے نکلنا
ہر ایک پل وقت کا بدلنا


یہ روز دن رات کا گزرنا
نہ ایک موسم کا بھی ٹھہرنا
اجالے دوڑے جو جا رہے ہیں
کہیں اندھیرے مٹا رہے ہیں


جو سالوں سالوں لگے ہوئے ہیں
سفر میں اب تک ڈٹے ہوئے ہیں
ستاروں سیاروں سب کی گردش
انہیں سمجھنے کی اپنی خواہش


دلوں کے دھڑکن کی ابتدا بھی
تمام منظر کی انتہا بھی
یہ سلسلہ سارا
سب تسلسل میں ہے جو


ہر کچھ
کسی کی ہچکی کا ہے نتیجہ
کہ یاد کرتا ہو کوئی بیتے زمانے کو
کائنات بھر میں


کہ جب نہیں تھا کچھ
اس سے پہلے
جو تھا وہ کیا تھا
وہ کیسا تھا


کیا وہ ایسا تھا
جیسا ہے ابھی سب
اک عرصے سے مجھ کو ہچکی آئی نہیں ہے
تم تو رہے مجھے یاد کرنے سے


آئینے کو تکتا ہوں روز
خود کو ہی یاد آ جاؤں میں کبھی تو
اور ایک ہچکی نکل پڑے پھر