میرا چھوٹا بھائی

ننھا منا پیارا پیارا میرا چھوٹا بھائی ہے
یعنی سب کی آنکھ کا تارا میرا چھوٹا بھائی ہے
بندر بن کر بھالو بن کر
سب کو ناچ دکھاتا ہے


گلی گلی کا اک اک بچہ
اس کا ساتھ نبھاتا ہے
آنگن آنگن شور مچا کر
دل سب کا بہلاتا ہے


بالنگ کرنا سیکھ گیا ہے
بیٹنگ کرنا سیکھ گیا ہے
چوکے چھکے مار رہا ہے
جیت رہا ہے ہار رہا ہے


اس کی صبح ہے اس کی شام
گھر گھر جانا اس کا کام
گھر والوں کی جان ہے وہ
خود اپنی پہچان ہے وہ


ننھا منا پیارا پیارا میرا چھوٹا بھائی ہے
یعنی سب کی آنکھ کا تارا میرا چھوٹا بھائی ہے