kaisi achchhi meri ammi
pyari pyari meri ammi

mujh se karti hain ye pyar
in ke dam se hai ghar-bar

khana ammi gar na pakaen
ghar wale bhuke rah jaen

kapde si kar pahnati hain
rozana ye nahlati hain

jab mein bilkul chhota sa tha
un ki godi mein rahta tha

rota to bahlatin mujh ko
godi mein tahlatin mujh ko

thapak thapak kar mujhe sulaen
mithe sur mein lori gaen

roz sunatin nai kahani
meri achchhi ammi rani