naya sal

sahar ne masarrat ka naghma sunaya
faza ne gulistan ka daman sajaya
hawaon ne akhlaq ka git gaea
nigahon se mazi ka parda uthaya


naya sal aaya naya sal aaya
masarrat masarrat ke gun ga rahi hai
musawat ke phul barsa rahi hai
sada-e-salamat-rawi aa rahi hai


zamin muskurai falak muskuraya
naya sal aaya naya sal aaya
ye hindostan ek aawaz hoga
ab insan insan ka dam-saz hoga


nae daur ka phir se aaghaz hoga
naya san nai rut ka paigham laya
naya sal aaya naya sal aaya
tassub ki parchhaiyan ab na hongi


wo pichhli saf-araiyan ab na hongi
zamane mein ruswaiyan ab na hongi
mohabbat ka mahaul har samt chhaya
naya sal aaya naya sal aaya


na aainda aapas mein rakhne padenge
na aainda apni zidon par adenge
'laiq' ab na aapas mein insan ladenge
yakum january ne ye muzhda sunaya


naya sal aaya naya sal aaya