qais ne ishq kiya par shaeri nahin ki us ne laila ki baaten hawaon se bagulon se darakhton se aur belon se phulon se aur khushbu se kin qais ne ishq kiya aur apne ishq mein qudrat ko shamil kiya main ne shaeri ki meri shaeri mein bhi hawaen bagule darakht belen phul aur khushbu shamil hain tab main ne ishq nahin kiya main ne jab ishq kiya to is mein shamil hue tohfe mulaqat ke tai-shuda waqt aazmaish an-chahe log aur wo sari duniyawi chizen jo kabhi mohabbat ki dalil nahin ho saktin