kis se garmi ka rakha jae ye bhaari roza
sardi howe to rakhe mujh si bechaari roza

dekh pansure mein tarikh bata de mujh ko
ab ke aa to ji rakhungi main hazari roza

munh pe kuchh rakhti nahin apne wo pan-bhatti mein
kholti jab hai dada meri dulari roza

aaj se firni o faluda ki tayyari kar
kal hai nau-chandi rakhegi meri pyari roza

mera munh utra hua dekh ke kahti hai jiya
aaj tu kar ke na rakh minnat-o-zari roza