mirii yaad me.n tum na aa.nsuu bahaana

mirii yaad me.n tum na aa.nsuu bahaana
na jii ko jalaanaa mujhe bhuul jaanaa
samajhnaa ki thaa ek sapnaa suhaana
vo guzraa zamaana mujhe bhuul jaanaa


mirii yaad me.n
judaa merii manzil judaa terii raahe.n
mile.ngii na ab terii merii nigaahe.n
mujhe terii duniyaa se hai duur jaanaa


na jii ko jalaanaa mujhe bhuul jaanaa
mirii yaad me.n
ye ro ro ke kahtaa hai tuutaa hu.aa dil
nahii.n huu.n mai.n terii mohabbat ke qaabil


miraa naam tak apne lab pe na laanaa
na jii ko jalaanaa mujhe bhuul jaanaa
mirii yaad me.n