Hum hain sookhe hue talaab pe baithe hue hans

jo taalluq ko nibhate hue mar jaate hain!


*taalluq: relation

Jahan-zad kaise hazaron baras baad,

ik shehar-e-madfun ki har gali mein

mere jaam-o-meena-o-gul-dan ke reze mile hain,

ki jaise wo is shehar-e-barbad ka hafiza hon!

Abad rahenge veerane shadab rahengi zanjeeren,

jab tak deewane zinda hain phulengi phalengi zanjeeren

azadi ka darwaza bhi khud hi kholengi zanjeeren,

tukde tukde ho jayengi jab had se badhengi zanjeeren!

In mein kya farq hai ab is ka bhi ehsaas nahi

dard aur dil ka zara dekhiye yaksan hona!


*yaksan: same

Dard ho dil mein to dawa kijiye,

dil hi jab dard ho to kya kijye

hum ko fariyad karni aati hai,

aap sunte nahi tu kya kijye!

Jo teer bhi aata woh khaali nahi jata,

mayus mere dil se sawali nahi jata

kaante hi kiya karte hain phoolo ki hifazat,

phoolo ko bachane koi maali nahi aata!