vo sab me.n nemate.n taqsiim kar ke khush rahtaa
magar khudaa.ii kaa da.avaa nahii.n kiyaa us ne

vo maa.n kaa haath bataataa thaa ghar ke kaamo.n me.n
pa feminasty kaa charchaa nahii.n kiyaa us ne [...]

khaa.nsii aur hichkii kaa farq
gair vaazeh hotaa hai

avaam ke masiihaa.o.n aur khudaa ke vakiilo.n ko
mu.akkil aur dastaane nahii.n milte [...]

baabaa-e-kul-aqvaam puurii sadii
snooker khelte rahe

snooker kii sab se behtariin ge.nde.n
gen.de ke sii.ng se bantii rahii.n [...]

kaun pahlii mohabbat nahii.n thaa
kaun aakhirii mohabbat nahii.n

kaun hai jo pahlii aur aakhirii mohabbat hai
kaun saa bachcha kis kii aulaad hai [...]

mukhtasar kar jaatii hai zindagii ko har mulaaqaat
ban jaataa hai murkkab khauf-e-khudaa me.n khauf-e-vabaa

ba.dh jaatii hai ahmiyat me.n mohabbat se mudaafa.at
kho baithte hai.n currency note tak apnii vaq.at [...]

vabaa ke dino.n me.n mayyat kaa gusl
janaaze kaa kandhaa

aur aakhirii lamhe kaa diidaar nahii.n hotaa
lekin yahii nahii.n [...]