MASNAVI SHAYARI

VERSE AFTER VERSE OF POETIC GRACE

Immerse yourself in the rhythmic allure of masnavi shayari, a poetic form that enchants with its structured elegance. Each couplet in masnavi shayari tells a unique story, taking you on a journey of poetic exploration filled with beauty and grace. Let the melodic verses of masnavi shayari enchant your senses and transport you to a world of poetic bliss.

faqat chand nuskhon ka hai wo safina
chale aae hain jo ki sina-ba-sina
na un ko nabaatat se aagahi hai
na aslan khabar madiniyyat ki hai


na tashrih kei lai kisi par khuli hai
na ilm-e-tabii na chemistry hai
na pani ka ilm aur na ilm-e-hawa hai
marizon ka un ke nigahban khuda hai


na qanun mein un ke koi khata hai
na makhzan mein angusht rakhne kei ja hai
saidi mein likkha hai jo kuchh baja hai
nafisi ke har qaul par jaan fida hai


salaf likh gae jo qayas aur guman se
sahife hain utre hue aasman se
wo sher aur qasaed ka napak daftar
ufunat mein sandas se jo hai bad-tar


zamin jis se hai zalzale mein barabar
malak jis se sharmate hain aasman par
hua ilm-o-din jis se taraj sara
wo ilmon mein ilm-e-adab hai hamara


bura sher kahne kei gar kuchh saza hai
abas jhut bakna agar narawa hai
to wo mahkama jis ka qazi khuda hai
muqarrar jahan nek-o-bad kei saza hai


gunahgar wan chhut jaenge sare
jahannam ko bhar denge shair hamare

- altaf-hussain-hali

muhayya sab hai ab asbab-e-holi
utho yaro bharo rangon se jholi
idhar yar aur udhar khuban saf-ara
tamasha hai tamasha hai tamasha


chaman mein dhum-o-ghul chaaron taraf hai
idhar dholak udhar aawaz-e-daf hai
idhar aashiq udhar mashuq ki saf
nashshe mein mast o har yak jam-ba-kaf


gulal abraq se sab bhar bhar ke jholi
pukare yak-ba-yak holi hai holi
lagi pichkariyon ki mar hone
har ek sun rang ki bauchhaar hone


koi hai sanwari koi hai gori
koi champa baran umron mein thodi

-

aaj hai roz-e-wasant ai dostan
sarw-qad hai bostan ke darmiyan
bagh mein hai aish-o-ishrat raat din
gul-rukhan bin nain guzarti ek din


sab ke tan mein hai libas-e-kesri
karte hain sad-barg sun lab ham-sari
khub-ru sab ban rahe hain lal zard
bagh ka bazar hai is waqt sard


chand jaisa hai shafaq bhitar ayan
chehra sab ka az-gulal aatish-fishan
har chhabeli az-libas-e-kesari
taza karti hai bahaare-e-jafri


nachti ga ga ke holi dam-ba-dam
jyun sabha indar ki dar bagh-e-iram
az kabir-o-rang-e-kesar aur gulal
abr chhaya hai safed-o-zard-o-lal


jiyun jhadi har su hai pichkari ki dhaar
daudti hain nariyan bijli ke sar
josh-e-ishrat ghar-ba-ghar hai har taraf
nachti hain sab takalluf-bar-taraf


-